Thabazimbi Skopboks gaan vir goud

Thabazimbi - Die naweek van Saterdag 7 en Sondag 8 Maart het die Thabazimbi Skopboks klub-lede deelgeneem aan die Great North toernooi in Centurion.

Daar was 600 vegters wat vir twee harde dae meegeding het vir die eerste plek.

Daar was verskeie afdelings om in deel te neem naamlik - K1, low kick, high kick en skopboks volkontak in die kryt. Op die mat was die ligter stelsels naamlik semi-kontak, ligte kontak en kick light.
Caelin van Tinder en Erick van Tonder het albei hul skeidsregter en beoordelaars kursusse vir South African Amature Kickboxing verwerf.

Shihan Peet van Breda het sy nasionale en internasionale afrigting instrukteur hernuwing gekry.
Baie geluk aan almal met die uitstekende resultate.