Kookwater kolfwerk deur HFM krieketspanne

Thabazimbi – Hoërskool Frikkie Meyer (HFM) het op Saterdag 17 September teen Hoërskool Ben Viljoen op die krieketbaan te staan gekom. 

HFM se eerstespan het eerste gekolf en het 278 lopies aangeteken in 43 beurte. De Wet van der Walt maak 57 (92), Driekus du Plessis 59 (62), en Edward Terblanch teken 56 punte aan van slegs 29 balle!

HFM boul Ben Viljoen uit met 36 lopies. HJ Janse van Rensburg boul uitstekend en neem 5-22 en Johan Briel neem 2-9. Die eerste span wen met 238 lopies.

HFM se o/15’s het ook eerste gekolf en het 118 lopies aangeteken. HFM boul Ben Viljoen uit met 84 lopies in 27 beurte en wen met 34 lopies.
Geluk manne! 

#FosteringASenseOfCommunity