Community

Van ’n skroeimerk op papier tot 35 jaar se diens

Van ’n skroeimerk op papier tot 35 jaar se diens

Ysterberg se jeuglede, van graad 1 tot graad 11, open die spog-en toekenningsaand met die vlagseremonie.

Platinum Bushvelder koerant | Thabazimbi – Vir vier jong Voortrekkers het ’n skroeimerk aan die hoek van ’n sertifikaat die begin van hul pad by Ysterberg gemerk. Vir heemraadslid Wynand Manders was dit ’n aand om op 35 jaar se diens terug te kyk. Albei mylpale is op Vrydag 6 November 2026 by die Ysterberg Voortrekkers se jaarlikse spog-en toekenningsaand by die NG Kerk Thabazimbi gevier.

Jeuglede van graad 1 tot graad 11 het die aand met ’n vlagseremonie geopen. Daarna het die vier nuwelinge hul plek in die kommando ingeneem. Kommandoleier Danie Naudé het gehelp met die inlywing van Gabriel Bosch, NC du Plessis en Lee-roy Groenewald, al drie in graad R, en Jaden Odendaal in graad 2. Elkeen het ’n sertifikaat ontvang waarvan ’n hoekie as deel van die inlywingseremonie gebrand is.

Onder die uitblinkers was twee graad 7-lede, Sophia Jarman en Caroline Groenewald. Sophia het ’n silwer Voorslagtoekenning verwerf en Caroline ’n brons. Hulle het die Voorslagtoetskamp van 4 tot 6 September suksesvol voltooi en hul toekennings op Saterdag 17 Oktober tydens ’n galageleentheid by die Voortrekkermonument ontvang.

Die kommando het ook erkenning gegee aan jeuglede wat hul graadwielwerk voltooi het. Lede het skeie ontvang vir nog ’n voltooide Voortrekkerjaar, en kentekens vir die vaardighede wat hulle aangeleer en die prestasies wat hulle deur die jaar behaal het.

Drie lede is vir hul jarelange diens vereer. Wynand Manders het ’n Voorjuk vir 35 jaar se diens ontvang. Annamart Jarman is vir 25 jaar se diens vereer, en Ronelle du Plessis vir 20 jaar. Ronelle het ’n Rooi Voorjuk ontvang en Annamart ’n Silwer Voorjuk. Die kommando het Raymond Wolfaardt weer as Ysterberg se jeugleier vir 2027 aangewys.

Ysterberg gee erkenning vir jarelange diens. Van links is Ronelle du Plessis (Rooi Voorjuk vir 20 jaar), Annamart Jarman (Silwer Voorjuk vir 25 jaar), Wynand Manders (Voorjuk vir 35 jaar) en Bernard Nelson (gebiedsleier van Bergenbos).
Ysterberg gee erkenning vir jarelange diens. Van links is Ronelle du Plessis (Rooi Voorjuk vir 20 jaar), Annamart Jarman (Silwer Voorjuk vir 25 jaar), Wynand Manders (Voorjuk vir 35 jaar) en Bernard Nelson (gebiedsleier van Bergenbos).
Raymond Wolfaardt (links), wat in 2027 weer as Ysterberg se jeugleier dien, saam met kommandoleier Danie Naudé.
Raymond Wolfaardt (links), wat in 2027 weer as Ysterberg se jeugleier dien, saam met kommandoleier Danie Naudé.
Van links is Danie Naudé (kommandoleier), Sophia Jarman (silwer Voorslagtoekenning), Caroline Groenewald (brons Voorslagtoekenning), Karin Naudé (Ysterberg se finansies) en Bernard Nelson (gebiedsleier van Bergenbos).
Van links is Danie Naudé (kommandoleier), Sophia Jarman (silwer Voorslagtoekenning), Caroline Groenewald (brons Voorslagtoekenning), Karin Naudé (Ysterberg se finansies) en Bernard Nelson (gebiedsleier van Bergenbos).
Ysterberg se dagbestuur. Agter, van links, is Danie Naudé (kommandoleier), Nelia Pieterse (bemarking) en Karin Naudé (finansies). Voor, van links, is Ronelle du Plessis (jeugsake) en Annamart Jarman (administrasie).
Ysterberg se dagbestuur. Agter, van links, is Danie Naudé (kommandoleier), Nelia Pieterse (bemarking) en Karin Naudé (finansies). Voor, van links, is Ronelle du Plessis (jeugsake) en Annamart Jarman (administrasie).
Kommandoleier Danie Naudé help om vier nuwe Voortrekkers by Ysterberg in te lyf. Die nuwe lede is Gabriel Bosch, NC du Plessis, Lee-roy Groenewald en Jaden Odendaal.
Kommandoleier Danie Naudé help om vier nuwe Voortrekkers by Ysterberg in te lyf. Die nuwe lede is Gabriel Bosch, NC du Plessis, Lee-roy Groenewald en Jaden Odendaal.

More local news