/home/f3782876/public_html/includes/header-articles.php on line 128
">
‘n Battery vir die Pad...
Thabazimbi – Lukas Swele, betrokke by die pad instandhouding van die Thabazimbi Munisipaliteit is verras deur Tokkie Swanepoel en Frik Erasmus van die Belasting Betalers Vereniging met ‘n splinternuwe battery vir sy voertuig op Donderdag, 24 Augustus.
Lukas en sy span sien om na die paaie in en om Thabazimbi. Díe instandhouding verg soms dat na-ure gewerk moet word. Hy doen dit met graagte – maar sy voertuig se battery gee soms moeilikheid.
Só het Tokkie dit agtergekom en Obaro Thabazimbi gekontak. Hulle het die battery aan die Belasting Betalers Vereniging geskenk, en díe het dit geskenk aan Lukas.
In ‘n onderhoud met die Platinum Bushvelder koerant sê Lukas: “Ek is opreg dankbaar vir die battery! Baie dankie – nou sal ons die paaie in ‘n japtrap kan regstel.”
© 2024 - All Rights with Platinum Bushvelder