'N NUWE ERA VAN SEKURITEIT IN THABAZIMBI

Thabazimbi – Thaba Alarms, wat in 1998 gestig is en bekend staan as ‘n vooraanstaande verskaffer van sekuriteitsoplossings, is trots om sy nuwe naam, Thaba Security Holdings, aan te kondig. Hierdie verandering het op Maandag 13 Mei 2024 plaasgevind.

Onder die nuwe naam, Thaba Security Holdings, sal die maatskappy ‘n wye reeks omvattende sekuriteitsdienste aanbied, insluitend gewapende reaksie, sekuriteitswagte, AI-wagte, alarmmonitering en CCTV-monitering. Die doel is om die standaarde van sekuriteitsvoorsiening in die bedryf te herdefinieer en te verbeter.

Met hierdie oorgang, sal Thaba Alarms fokus op die tegniese afdeling van Thaba Security Holdings, met spesialisasie in die installasie van alarmsisteme, elektriese heinings en CCTVstelsels. Thaba Security Holdings is ook opgewonde om ‘n strategiese vennootskap met Public Protection Services (PPS) aan te kondig. PPS is ‘n nie-winsgewende organisasie wat toegewyd is aan die beveiliging van die Thabazimbi-gemeenskap. Deur hierdie gesamentlike onderneming sal Thaba Security Holdings en PPS saamwerk om sekuriteitsmaatreëls te versterk en beter beskerming aan inwoners en besighede in die omgewing te bied.

“Hierdie naamsverandering verteenwoordig ‘n belangrike mylpaal in ons reis. Dit stel ons in staat om ons dienste uit te brei, strategiese vennootskappe te vorm, en ons kliënte en gemeenskap beter te dien,” sê Louis Wepener, direkteur van Thaba Security Holdings.